Rabbii生活日常: (逆市開業) 尖沙咀新開業日本餐廳

2020年11月7日星期六

(逆市開業) 尖沙咀新開業日本餐廳 - 蔵鳶

11月適逄係男朋友既生日月份, 今日同佢少有地出黎食好西知道呢度開左間新日本餐廳, 一於試下佢先

呢度既野食選擇好多, 以app落單, 而且仲特別設立omakase既房間比客人享受午餐/晚餐

咁岩坐係吧枱, 睇住佢地整野食比我食, 視野感覺一流!

生蠔刺身 $40 先黎一人一隻生蠔刺身, 唔錯! 幾新鮮而且都好肥美, 一人一隻唔使爭

焦糖菠蘿 $28 呢份焦糖菠蘿真係甜到十足, 菠蘿燒到熱熱地, 但真係好甜好好食! 厚燒牛舌芯 $55 (唔記得左影相tim)男朋友最愛既牛舌芯, 厚厚既牛舌入口唔會好乾, 同埋富有牛舌香, 幾好

銀鱈魚西京燒 $168 呢個係我每次去日本餐廳入食既野食之一, 銀鱈魚個質地超滑身, 肉質滑到完全唔似食緊魚咁, 加上燒到外層有d香口, 配埋沙律醬食, 真係有d唔係好夠喉

東風螺醬油煮 $52 以甜醬油煮成既東風螺, 肉質都幾厚實, 醬油甜甜地, 同平時自己食東風螺+豉油又係另一種風味

極上壽司盛(10件) $368 呢個本身menu係冇圖既, 膽粗粗叫左呢款極上壽司盛, 出黎幾有驚喜! 差唔多件件都係貴價壽司, 有牡丹蝦, 海膽, 拖羅, 左口魚裙邊等等, 每款都好新鮮, 海膽帶有鮮味, 左口魚裙邊油脂度高, 拖羅有入口即溶既感覺, 牡丹蝦好大隻, 配埋粒細細既壽司飯感覺到蝦肉充斥住成個口腔, 滿足度爆燈!