愛上這裡的日式感覺

 
經常都見到呢間餐廳需要排隊，其實係OpenRice可以預先訂座，所以如果想原色嘅，特別係午餐時間一定要Book枱！ 今日星期六中午時間來到，沒有經預約嘅客人都白行一趟。

 

餐廳設計好有日式氣氛，特別係周圍掛滿大家寫上嘅願望，感覺好似去咗日本一樣

 

 

餐廳有八款午餐定食，最後同男朋友揀選左兩款比較吸引嘅定食

 

幸福串燒六盛合 $138 價錢方面揀咗兩個唔算最平嘅，不過賣相應該係最吸引既！ 定食包左好多前菜，以及麵豉湯，為客人清清喉嚨，因為坐咗喺個枱嘅關係所以可以見到職員努力燒串燒
令到呢個定食上枱嘅時候更加吸睛！

 

雞肉，雞髀肉，免治軟雞骨肉串，雞翼，秋葵以及大蘑菇 每款都經餐廳精挑細選，而且串燒已經有調味，雞髀肉肉質較為厚實，肉質未至於鞋口，不過個人認為比較乾身，如果可以為佢加上適量嘅醬汁會更加好 雞肉口感當然比雞俾肉佳，滿滿肉嘅套餐當然配飯係最好食。

 

 

看似最平凡嘅一轉，實在是最有驚喜！呢一個係免治軟雞骨肉串，外型好似一條雞肉腸，但咬落去除咗肉咁實在之外仲可以食到雞軟骨嘅脆脆口感，因為燒完之後，職員話串燒放上醬汁，食起上嚟更加惹味！

 

 

燒和牛小排定食$138 呢款係男朋友點嘅小牛排定食，日式嘅定食冇分生熟，分量看似有點少，不過食起上嚟份量算係啱啱好，夾起小牛排就會發現內裏其實仲有血水溢出，入口頗有牛香味，外層烤熟嘅關係，所以食起嚟更有一份獨特嘅煎香味，因為沒有過分調味嘅關係，單色只會吃到牛香味，如果覺得味道有點淡，可以加上旁邊嘅鹽，提升咸香味 整體味道覺得唔錯！

 

旁邊嘅半山熟蛋，可以放喺白飯上，再加上少量醬油，提升味道，就算係就咁食呢碗飯都可以食晒

幸福鳥
網址: https://s.openrice.com/QrbS0n9u900~uIL_QAw
地址: 尖沙咀河內道18號K11購物藝術館地下G18-19號舖
電話: 28852216

—————————————————-
歡迎合作試用．邀稿．出席活動．化妝工作
Rabbii
Email :  sunnie.rabbii@gmail.com
IG  : rabbiisunnie
FB : rabbii生活日常
U Travel : rabbiisunnie
BeautyExchange : rabbiisunnieBlogspot : Rabbii生活日常