超水準隱世居酒屋 - 申子居酒屋

 
最近香港實在發生太多事了, 真係冇咩心機出去食野, 數數手指真係比較之前少左好多出去, 今日因為屋企冇飯開, 就籍住呢個小時間出去放鬆一下心情。
新店開業，今日同男朋友試下。叫咗呢度比較出名嘅幾款嘢食，嘢食都令我幾有驚喜！

 

嘢食得都幾快，好快已經放滿成張枱～

 

脆皮馬頭魚 $180 平時喺日本居酒屋食一份銀雪魚柳都要過百元，職員推介我哋食呢一個，一嚟到個賣相相當特別，見到魚鱗一塊又一塊痴滿魚皮上，以炸既形式製成，魚鱗好薄薄食落口感相當鬆脆，以下邊卻係口感超嫩滑嘅魚肉，兩者口感相輔相成，口感極致！

 

 

免治蒟蒻雞肉棒 $68/串 因為想試啲比較特別嘅串燒，點左呢款比較少有嘅蒟蒻雞肉棒，以免治雞肉製成，內含一粒粒嘅蒟蒻提升口感，除咗燒得香香之外，一定要沾上後面呢個包含雞蛋嘅醬油，食落去除咗雞肉抱有蛋香外，比起單食嘅味道更為好味！ 免治雞肉口感啱啱好，唔會太厚實又或者太過林身，而且濕度岩岩好，係少有可以食到濕潤度既日式串燒。

 

 

吉列泡菜蘆荀卷 $98 本身好想叫三重芝士嗰一款，因為嗰款係招牌嘅吉列豚肉卷，不過因為兩個人食唔到咁大份，最後咪點左呢一個size比較細嘅泡菜蘆筍卷，好少可以喺居酒屋食到有韓式泡菜嘅味道。

 

呢一款以豚肉包住蘆筍，泡菜，同芝士，再將所有嘅配料以吉列形式呈現眼前，多重口感，豚肉包住濃味嘅泡菜，一啖真係放唔晒落口，個人覺得一舊比較大，如果可以將佢再切開幾分就更加好。

 

黎得居酒屋當然要試吓呢度嘅煮食啦！

 

 

海膽炒飯 $178 喺呢度揀咗一個價錢價錢中等嘅海膽炒飯，不過出嚟嘅味道同各樣野都好有驚喜，海膽炒飯除咗食到淡淡海膽之外，上面都仲有以火炙燒過嘅海膽，味道濃郁之餘仲有淡淡超香，不得不題海膽炒飯粒粒分明，乾爽之餘仲可以食到無數嘅蟹子係口腔入邊遊走，同男朋友兩個係咁搶食

 

 

當然唔少得叫返兩杯飲品，蜜桃乳酸梳打 & 西尾抹茶凍鮮奶，淡淡粉紅嘅就係蜜桃乳酸，味道都唔錯而且甜度啱啱好，不過個人略為覺得蜜桃味唔夠重，可以再重手落多啲會更好 西尾抹茶凍鮮奶上邊竟然加咗一個雲呢拿雪糕球，中和左抹茶嘅茶味，配上雲呢拿雪糕球又係另外一番口味 食咗都幾多野，買單七百幾蚊價錢算中等，不過嘢食方面的確不錯，水準甚高！回頭率高

申子居酒屋
網址: https://s.openrice.com/QrbS0pbG900~uIL_QAw
地址: 旺角黑布街74-76號藝興大廈地下1號舖
電話: 59989188

—————————————————-
歡迎合作試用．邀稿．出席活動．化妝工作
Rabbii
Email :  sunnie.rabbii@gmail.com
IG  : rabbiisunnie
FB : rabbii生活日常
U Travel : rabbiisunnie
BeautyExchange : rabbiisunnieBlogspot : Rabbii生活日常